ఆంధ్రభారతి - తాళ్లపాక అన్నమాచార్య కీర్తనలు - నే నేమి సేయుదును నీవు నా లోపలనుండి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 93-1
సంపుటము: 1-459

తాళ్లపాక అన్నమాచార్య

రాగము: గుండక్రియ

నే నేమి సేయుదును నీవు నా లోపలనుండి శ్రీనాథుడవు నీచేఁత లింతే కాక	॥నే నేమి॥
తనువేమి సేయును తనువు లోపలనున్న- చెనఁటియింద్రియముల చేఁతఁలు గాక మనసేమి సేయును మనసు లోపలనున్న- నినుపుఁ గోర్కులు చేసే నేరములు గాక	॥నే నేమి॥
జీవుఁడేమి సేయును జీవునిఁ బొదుగుకున్న భావపు ప్రకృతి చేసే పాపము గాక చేవదేరఁ బుట్టు వేమిసేయు ముంచుకొన్నట్టి దైవపు మాయలోని ధర్మ మింతే కాక	॥నే నేమి॥
కాలమేమి సేయును గక్కన శ్రీవేంకటేశుఁ- డేలి మన్నించే మన్నన యిదియే కాక యేల యేల దూర నింక నెవ్వరు నేమిసేతురు మేలిమి నినుఁ దలఁచి మెచ్చుటే కాక	॥నే నేమి॥