ఆంధ్రభారతి - తాళ్లపాక అన్నమాచార్య కీర్తనలు - ఇందిరానాథుఁ డిన్నిటి కీతఁ డింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 93-6
సంపుటము: 1-464

తాళ్లపాక అన్నమాచార్య

రాగము: బౌళి

ఇందిరానాథుఁ డిన్నిటి కీతఁ డింతే బందెల కర్మములాల పట్టకురో మమ్మును	॥ఇందిరా॥
యెఱిగి సేసినవెల్లా నీతని మహిమలే యెఱగక చేసినది యీతని మాయే తెఱఁగొప్ప రెంటికిని తెడ్డువంటివాఁడ నింతే పఱచుఁ గర్మములాల పట్టకురో మమ్మును	॥ఇందిరా॥
కాయము లోపలివాఁడు ఘనుఁ డొక్కఁ డితఁడే కాయ మీతని ప్రకృతికల్పిత మింతే తోయరాక రెంటికిని తోడునీడైతి నింతే బాయటి కర్మములాల పట్టకురో మమ్మును	॥ఇందిరా॥
యేలినవాఁడు శ్రీవేంకటేశుఁ డితఁ డొక్కఁడింతే యేలికసానై పెంచేది యీతని సతే సోలి నే వీరిఁ గొలిచే సూత్రపుబొమ్మ నింతే పాలుపుఁ గర్మములాల పట్టకురో మమ్మును	॥ఇందిరా॥