ఆంధ్రభారతి - తాళ్లపాక అన్నమాచార్య కీర్తనలు - దైవము పుట్టించినట్టి తన సహజమే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 95-6
సంపుటము: 1-476

తాళ్లపాక అన్నమాచార్య

రాగము: ముఖారి

దైవము పుట్టించినట్టి తన సహజమే కాక కోవిదునికైనా జాలిగుణ మేల విడుచు	॥దైవము॥
ఆరయఁ బంచదార నద్దుక తినఁబోతే చేరరాని ముష్టిగింజ చేఁదేల మాను సారమైన చదువులు సారె సారెఁ జదివినా గోరపు దుష్టునికి కోపమేల మాను	॥దైవము॥
నిప్పు దెచ్చి వొడిలోన నియమానఁ బెట్టుకొంటే యెప్పుడును రాఁజుఁ గాక యిది ^[1]యేల మాను ముప్పిరిఁ బాతకుఁడైన మూఢుఁడెన్ని యాచారాలు తప్ప కెంతసేసినాను దయ ^[2]యేల కలుగు	॥దైవము॥
యింటిలోనఁ గొక్కు దెచ్చి యిరవుగఁ బెట్టుకొంటే దంటయై గోడలు వడఁదవ్వ కేల మాను గొంటరై శ్రీవేంకటేశుఁ గొలువకుండినవాఁడు తొంటి సంసారవుఁ గాక దొర యేఁటి కౌను	॥దైవము॥

^[1]^[2] ‘యాల’ రేకు.