ఆంధ్రభారతి - తాళ్లపాక అన్నమాచార్య కీర్తనలు - ఇందులోనే కానవద్దా యితఁడు దైవమని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 96-1
సంపుటము: 1-477

తాళ్లపాక అన్నమాచార్య

రాగము: నాట

ఇందులోనే కానవద్దా యితఁడు దైవమని విందువలె నొంటిమెట్ట వీరరఘురాముని	॥ఇందు॥
యెందు చొచ్చె బ్రహ్మవర మిల రావణుతలలు కందువ రాఘవుఁడు ఖండించునాఁడు ముందట జలధి యేమూల చొచ్చెఁ గొండలచే గొందిఁ బడఁ గట్టివేసి కోపగించేనాఁడు	॥ఇందు॥
యేడనుండె మహిమలు యిందరి కితఁడు వచ్చి వేడుకతో హరివిల్లు విఱిచేనాఁడు వోడక యింద్రాదు లెందు నొదిగి రీతనిబంటు కూడఁ బట్టి సంజీవికొండ దెచ్చేనాఁడు	॥ఇందు॥
జముఁ డెక్కడికిఁ బోయ సరయువులో మోక్ష- మమర జీవుల కిచ్చె నల్లనాఁడు తెమలి వానరులై యీ దేవతలే బంట్లైరి తిమిరి శ్రీవేంకటపతికి నేఁడు నాఁడు	॥ఇందు॥