ఆంధ్రభారతి - తాళ్లపాక అన్నమాచార్య కీర్తనలు - అటువంటివాఁడువో హరిదాసుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 97-2
సంపుటము: 1-484

తాళ్లపాక అన్నమాచార్య

రాగము: లలిత

అటువంటివాఁడువో హరిదాసుఁడు అటమటాలు విడిచినాతఁడే సుఖి	॥అటు॥
తిట్టేటి మాటలును దీవించే మాటలును అట్టే ^[1]సరెని తలఁచినాతఁడే సుఖి పట్టి చంపేవేళను పట్టము గట్టేవేళ అట్టు నిట్టు చలించని యాతఁడే సుఖి	॥అటు॥
చేరి పంచదారిడినఁ జేదు దెచ్చిపెట్టినాను ఆరగించి తనివొందే యతఁడే సుఖి తేరకాండ్లఁ జూచిన తెగరాని చుట్టముల నారయ సరిగాఁ జూచే యాతఁడే సుఖి	॥అటు॥
పొంది పుణ్యము వచ్చి పొరిఁ బాపము వచ్చిన- నందలి ఫలమొల్లని యాతఁడే సుఖి విందుగా శ్రీవేంకటాద్రివిభుని దాసులఁ జేరి అందరాని పద మందిననాతఁడే సుఖి	॥అటు॥

^[1] ‘సరి + అని’