ఆంధ్రభారతి - తాళ్లపాక అన్నమాచార్య కీర్తనలు - ఎవ్వరు గర్తలు గారు యిందిరానాథుఁడే కర్త - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 97-3
సంపుటము: 1-485

తాళ్లపాక అన్నమాచార్య

రాగము: గుండక్రియ

ఎవ్వరు గర్తలు గారు యిందిరానాథుఁడే కర్త నివ్వటి ల్లాతనివారై నేమము దప్పకురో	॥ఎవ్వరు॥
కర్మమే కర్తయైతే కడకు మోక్షము లేదు అర్మిలి జీవుఁడు గర్తయైతేఁ బుట్టుగే లేదు మర్మపుమాయ గర్త అయితే మరి విజ్ఞానమే లేదు నిర్మితము హరి దింతే నిజ మిదెఱఁగరో	॥ఎవ్వరు॥
ప్రపంచమే కర్తయైతే పాపపుణ్యములు లేవు వుపమ మనసు గర్తైఉంటే నాచారమే లేదు కపటపు దేహములే కర్తలయితే చావు లేదు నెపము శ్రీహరి దింతే నేరిచి బ్రదుకరో	॥ఎవ్వరు॥
పలుశ్రుతులు గర్తలై పరగితే మేర లేదు అల బట్టబయలు గర్తైతే నాధారము లేదు యెలమి నిందరికి గర్త యిదివో శ్రీవేంకటాద్రి నిలయపు హరి యింతే నేఁడే కొలువరో	॥ఎవ్వరు॥