ఆంధ్రభారతి - తాళ్లపాక అన్నమాచార్య కీర్తనలు - ఇరవైనయట్టుండు యెఱఁగనీ దీమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 97-4
సంపుటము: 1-486

తాళ్లపాక అన్నమాచార్య

రాగము: బౌళి

ఇరవైనయట్టుండు ^[1]యెఱఁగనీ దీమాయ తెరమఱఁగుమెకమువలె తిరుగు నీబ్రదుకు	॥ఇరవైన॥
అనిశమును దేహమున కన్నపానము లిడిన యినుము గుడిచిన నీరు యెందుకెక్కినదో గొనకొన్న మానినుల కూటముల సుఖములివి మనసు దాగిన పాలు మట్టు లేదెపుడు	॥ఇరవైన॥
వొడలఁ బెట్టిన సొమ్ము లొగిఁ దనకుఁ గానరా- వడవిఁ గాసిన వెన్నె లది కన్నులకును వుడివోని పరిమళము లొకనిమిషమాత్రమే బెడిదంపు భ్రమతోడి పెనుగాలి మూఁట	॥ఇరవైన॥
చద్దిసంసారమున సరుస సుఖదుఃఖములు యెద్దు యెనుపోతునై యేకంబు గాదు వొద్దికై శ్రీవేంకటోత్తముఁడు యింతలో అద్దంపు నీడవలె నాత్మఁ బొడచూపె	॥ఇరవైన॥

^[1] ‘యెఱగని దీమాయ’ పూ.ము.పా.