ఆంధ్రభారతి - తాళ్లపాక అన్నమాచార్య కీర్తనలు - అట్టివేళఁ గలఁగనీ దదివో వివేకము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 98-1
సంపుటము: 1-489

తాళ్లపాక అన్నమాచార్య

రాగము: సాళంగనాట

అట్టివేళఁ గలఁగనీ దదివో వివేకము మట్టుపడితే శాంతము మఱి యేలా	॥అట్టి॥
జడధులు వొంగినట్టు సందడించు నింద్రియములు వొడలిలో జీవునికి నొక్కొక్కవేళ బడబాగ్ని రేఁగినట్టు పైకొనీ ముంగోపము వుడికించు మనసెల్ల నొక్కొక్కవేళా	॥అట్టి॥
ఆరయఁ గొండయెత్తినట్టు వేఁగౌ సంసారము వూరక కలిమిలేము లొక్కొక్కవేళ మేరలేని చీఁకటియై మించును దుఃఖములెల్లా వూరటలేని కర్మికి నొక్కొక్కవేళా	॥అట్టి॥
పెనుగాలి వీచినట్టు పెక్కుకోరికెలు ముంచు వొనర నజ్ఞానికి నొక్కొక్కవేళ యెనయఁగ శ్రీవేంకటేశు దాసుడైనదాఁకా వునికిఁ బాయ విన్నియు నొక్కొక్కవేళా	॥అట్టి॥