ఆంధ్రభారతి - తాళ్లపాక అన్నమాచార్య కీర్తనలు - నెరవాది సాహసులు నిత్యశూరులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 98-2
సంపుటము: 1-490

తాళ్లపాక అన్నమాచార్య

రాగము: శంకరాభరణం

నెరవాది సాహసులు నిత్యశూరులు దురితవిదూరులు ధ్రువాదులు	॥నెరవాది॥
తక్కక శ్రీహరిభక్తి తా పలు సేసి యెక్కిరి చక్కఁగా వైకుంఠము సనకాదులు వొక్కట విష్ణుకథలు వోడ సేసుక దాఁటిరి పెక్కుసంసారజలధి భీష్మాదులు	॥నెరవాది॥
కడు విరక్తియనేటి కత్తులనే నరకిరి నడుమ భవపాశముల నారదాదులు బడినే హరిదాసుల పౌఁజుల గూడుకొనిరి నుడివడ కిహమందే శుకాదులు	॥నెరవాది॥
పరమశాంతములనే పట్టపేనుగులమీద వరుసల నేఁగేరు వ్యాసాదులు సిరుల శ్రీవేంకటేశుఁ జేరి సుఖముఁ బొందిరి బెరసి దాస్యమున విభీషణాదులు	॥నెరవాది॥