ఆంధ్రభారతి - తాళ్లపాక అన్నమాచార్య కీర్తనలు - తెలిసిన బ్రహ్మోపదేశ మిదే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 99-1
సంపుటము: 1-495

తాళ్లపాక అన్నమాచార్య

రాగము: శ్రీరాగం

తెలిసిన బ్రహ్మోపదేశ మిదే సులభ ^[1]మనుమ నిదే చూచీఁ గాక	॥తెలిసిన॥
పుట్టించిన హరి పూరి మేపునా గట్టిగా రక్షించుఁగా కతఁడు కట్టడి జీవుఁడు కానక నోళ్లు తెట్టఁదెరువునకు తెఱచీఁ గాక	॥తెలిసిన॥
అంతరాత్మ తనునట్టే మఱచేనా చింత లో బెరరేఁచీఁ గాక పంతపు జీవుఁడు భ్రమసి సందుసుడి దొంతులు దొబ్బుచుఁ దూరీఁ గాక	॥తెలిసిన॥
నొసల వ్రాసినవి నోమించుఁగా కతఁ- డెసగిన శ్రీవేంకటేశ్వరుఁడు విసుగక జీవుఁడు వీరిఁడిమాయల నసురుసురయి తా నలసీఁ గాక	॥తెలిసిన॥

^[1] ‘మనుచు’ కావచ్చు.