ఆంధ్రభారతి - తాళ్లపాక అన్నమాచార్య కీర్తనలు - వేదం బెవ్వని వెదకెడిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 1-5
సంపుటము: 1-5

తాళ్లపాక అన్నమాచార్య

రాగము: పాడి

వేదం బెవ్వని వెదకెడిని ఆ దేవునిఁ గొనియాడుఁడీ	॥పల్లవి॥
అలరిన చైతన్యాత్మకుఁడెవ్వఁడు కలఁ డెవ్వఁ డెచటఁ గలఁడనిన తలఁతు రెవ్వనినిఁ దనువియోగదశ యిల నాతని భజియించుఁడీ	॥వేదం॥
కడఁగి సకలరక్షకుఁడిం దెవ్వఁడు వడి నింతయు నెవ్వనిమయము పిడికిట తృప్తులు పితరులెవ్వనినిఁ దడవిన, ఘనుఁడాతనిఁ గనుఁడీ	॥వేదం॥
కదిసి సకలలోకంబులవారలు యిదివో కొలిచెద రెవ్వనిని త్రిదశవంద్యుఁడగు తిరువేంకటపతి వెదకి వెదకి సేవించుఁడీ	॥వేదం॥