ఆంధ్రభారతి - తాళ్లపాక అన్నమాచార్య కీర్తనలు - మొఱవెట్టెదము మీకు మొగసాలవాకిటను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 100-6
సంపుటము: 1-506

తాళ్లపాక అన్నమాచార్య

రాగము: సాళంగం

మొఱవెట్టెదము మీకు మొగసాలవాకిటను మఱఁగు చొచ్చితి మీకు మముఁ గావరో	॥మొఱ॥
యేపున మనసనియేటి మా పెంపుడు ^[1]లేడు పాపమనే యడవిఁ బడినది రాపున హరికింకరపు వేఁకకాండ్లాల పైపైని మా కింక బట్టియ్యరో	॥మొఱ॥
అంచెల మా విజ్ఞానమనెడి కామధేనువు పంచేంద్రియపు రొంపిఁ బడినది మించి వైకుంఠాన కేఁగే మేటి తెరువరులాల దించక యెత్తెత్తి వెళ్లఁదియ్యరో	॥మొఱ॥
అండనే మోహాంధకారమనెడి మా దిగ్గజము దండి మీ ^[2]దయనేటివోఁ దానఁ బడెను నిండి శ్రీవేంకటేశుఁడనేటి మావటీనిచేత గండి కర్మపు కంభానఁ గట్టించరో	॥మొఱ॥

^[1] ‘లేడి’ కావచ్చు.

^[2] ‘దయ యనేటి’ కావచ్చు.