ఆంధ్రభారతి - తాళ్లపాక అన్నమాచార్య కీర్తనలు - ముగురు వేలుపులకు మూలమితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
శ్రీరంగం రేకు: 98-4
సంపుటము: 1-510

తాళ్లపాక అన్నమాచార్య

రాగము: బౌళి

^[1]ముగురు వేలుపులకు మూలమితఁడు జిగి మీరి నెదుటను సేవించరే	॥ముగురు॥
అంచలఁ బన్నీటిబిందె లందుకొని యిందరును నించి మజ్జనము దేవునికిఁ జేయఁగా వంచి సముద్రముమీఁద వానలు గురిసినట్టు పొంచి యన్నిటాను ఉప్పొంగుచున్నాఁడు	॥ముగురు॥
పచ్చకప్పురము మేనఁ బలుమారు మెత్తఁగాను తచ్చి పున్నమచంద్రుఁడే తానై వున్నాఁడు అచ్చపుఁ దట్టుపుణుఁగు ఆమీఁదఁ బుయ్యఁగాను నిచ్చఁ గల్పకతరువు నీడయై వున్నాఁడు	॥ముగురు॥
అలమేలుమంగతోడ నన్నిసొమ్ములు నించఁగా పలువన్నెలసంపద యైనాఁడు యెలమి శ్రీవేంకటేశుఁ డిన్నిటాఁ బ్రతాపించి కులికి పుణ్యాలకెల్లా గురియైనాఁడు	॥ముగురు॥

^[1] ఈ పాటలెల్లా స్వామి మజ్జనమును వర్ణించినవే. ఆ స్నానవేళ స్వామిలో అక్కడక్కడ కనబడిన శృంగారరేఖలు, అధ్యాత్మమునకును సహజములే.