ఆంధ్రభారతి - తాళ్లపాక అన్నమాచార్య కీర్తనలు - విడువరా దెంతైనా వెఱ్ఱివాఁడనైన నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 101-2
సంపుటము: 2-2

తాళ్లపాక అన్నమాచార్య

రాగము: ఆహిరి

విడువరా దెంతైనా వెఱ్ఱివాఁడనైన నీకు కడవారు నవ్వకుండాఁ గాచుకో నన్నును	॥పల్లవి॥
జ్ఞానము నే నెఱఁగ నజ్ఞానముఁ నే నెఱఁగను మానను విషయములు మరిగెంతైనా నీనామము నొడిగి నాదాసుఁడ ననుకొందు దీనికే వహించుకొని తిద్దుకో నన్నును	॥విడు॥
అకర్మము నెఱఁగను సుకర్మము నెఱఁగను ప్రకటసంసారముపై పాటు మానను వొకపనివాఁడనై వూని ముద్రధారినైతి మొకమోడి యిందుకే గోమున నేలు నన్నును	॥విడు॥
వెనకఁ గానను ముందు విచారించి కానను నినుపై దేహధారినై నీకు మొక్కేను ఘనుఁడ శ్రీవేంకటేశ కన్నులెదుటఁ బడితి కని పోవిడువరాదు కరుణించు నన్నును	॥విడు॥