ఆంధ్రభారతి - తాళ్లపాక అన్నమాచార్య కీర్తనలు - దొరకె మాపాలికిఁ గందువయర్థము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 101-3
సంపుటము: 2-3

తాళ్లపాక అన్నమాచార్య

రాగము: సాళంగనాట

దొరకె మాపాలికిఁ గందువయర్థము దరిదాపై యుండిన తత్త్వార్థము	॥పల్లవి॥
తిరముగ నల్లదీవిఁ దెచ్చిన యర్థమిదివో విరజవోడరేవున వెళ్లినర్థము పరమభాగవతులు పాఁతినర్థమిదివో పురుషోత్తముఁడనేటి పురుషార్థము	॥దొర॥
చందపువేదముల(లు ? ) శాసనము వేసినర్థము ముందు సుముద్రల కెల్లా మొదలర్థము అందరి యాత్మలనేటి ‌అంగళ్లలోనియర్థము యెందు సహస్రనామపు టెన్నికర్థము	॥దొర॥
కొలచి బ్రహ్మాండముల కొప్పెరలో నర్థము యిల నిహపరముల కెక్కినర్థము యెలమి హీనునినై న యెక్కుడుసేసే యర్థము అలరి శ్రీవేంకటేశుఁడై న యర్థము	॥దొర॥