ఆంధ్రభారతి - తాళ్లపాక అన్నమాచార్య కీర్తనలు - అన్నిటి కెక్కుడు యీవి హరియిచ్చేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 102-3
సంపుటము: 2-9

తాళ్లపాక అన్నమాచార్య

రాగము: సాళంగనాట

అన్నిటి కెక్కుడు యీవి హరియిచ్చేది మన్నించు నాతనికంటే మఱి లేరు దొరలు	॥పల్లవి॥
తగు బ్రహ్మలోకముదాఁకా నెక్కిచూచిన మగుడఁ బుట్టే లోకాలే మనుజులకు తెగి యిచ్చే యింద్రాదిదేవతల వరములు యెగువదిగువలను యీసందివే	॥అన్ని॥
మాయలోనఁ బుట్టేది మాయలోనఁ బెరిగేది కాయదారులకు నెల్లాఁ గలిగినదే సేయరాని పుణ్యమెల్లాఁ జేసి గడించుకోనేది చాయల బహురూపపుసంసారమే	॥అన్ని॥
చెడని వైకుంఠ మిచ్చుఁ జేటులేని వర మిచ్చు వెడమాయఁ బెడబాపు విష్ణుఁ డీతఁడే యెడయెక శ్రీవేంకటేశుఁడై వున్నాఁడు వీఁడే జడియ కితఁడే కాచు శరణంటేఁ జాలును	॥అన్ని॥