ఆంధ్రభారతి - తాళ్లపాక అన్నమాచార్య కీర్తనలు - అనుచు నిద్దరునాడే రమడలవలెనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 103-2
సంపుటము: 2-14

తాళ్లపాక అన్నమాచార్య

రాగము: రామక్రియ

అనుచు నిద్దరునాడే రమడలవలెనే మొనసి యివెల్లాఁ జూచి మొక్కిరి బ్రహ్మాదులు	॥పల్లవి॥
రాముఁడ పండ్లు నాకు రండు వెట్టరా యేమిరా యిట్లానె నాకు యిత్తువా నీవు ప్రేమపుతమ్ముఁడఁ గాన పిన్ననే నీకు యీమాట మఱవకు యిందిరాకృష్ణుఁడా	॥అను॥
యెక్కిన వుట్టిపై నన్ను నెక్కించరా వోరి వుక్కునఁ బడేవు రాకు వద్దురా నీవు పక్కున మొక్కేరా నీపయిఁడికాళ్ళకు వోరి అక్కతోఁ జెప్పేఁ గాని అందుకొనే రారా	॥అను॥
యెవ్వరు వొడవో సరి నిటు నిలుతమురా వోరి నివ్వటిల్ల నీవింత నిక్కవొద్దురా రవ్వల శ్రీవేంకటాద్రిరాయఁడనేరా అయితే- యివ్వల నీకంటేఁ బెద్ద యిది నీ వెఱఁగవా	॥అను॥