ఆంధ్రభారతి - తాళ్లపాక అన్నమాచార్య కీర్తనలు - పెట్టిన నీ వెఱుఁగుదు పెనుదిక్కు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 103-3
సంపుటము: 2-15

తాళ్లపాక అన్నమాచార్య

రాగము: ధన్నాసి

పెట్టిన నీ వెఱుఁగుదు పెనుదిక్కు జట్టిగా శ్రీహరి నీకు శరణు చొచ్చితిమి	॥పల్లవి॥
కర్మమూలమైనట్టి కాయము మోచి నేను కర్మము విడువఁబోతే కడుసంగతా మర్మ మెఱిఁగిన నీవే మాయలఁ గట్టుండఁగాను పేర్మి నే విడువఁబోతే బిగియదా కట్టు	॥పెట్టి॥
బంధమూలమైనట్టి ప్రపంచమందునుండి బంధముఁ బాసేనంటేఁ బాసునా అది అంధకారమైనట్టి అజ్ఞానానఁ దోసితివి అంధకారమున వెలుఁ గరసితేఁ గలదా	॥పెట్టి॥
నిచ్చలు నీసంసారపు నీరధిలోన మునిఁగి చొచ్చి వెళ్లి చేరేనంటేఁ జోటు గలదా యిచ్చట శ్రీవేంకటేశ యిహమందే పరమిచ్చి అచ్చు మోపి యేలఁగా నే నన్నియుఁ దెలిసితి	॥పెట్టి॥