ఆంధ్రభారతి - తాళ్లపాక అన్నమాచార్య కీర్తనలు - నీ దాస్యమొక్కటే నిలిచి నమ్మఁగలది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 104-2
సంపుటము: 2-20

తాళ్లపాక అన్నమాచార్య

రాగము: భైరవి

నీ దాస్యమొక్కటే నిలిచి నమ్మఁగలది శ్రీదేవుఁడవు నీచిత్తము నాభాగ్యము	॥పల్లవి॥
అనుష్ఠానములు గతియని నమ్మి చేసితినా తనువిధి మలమూత్రములప్రోగు జనులలో నుత్తమపుజన్మమే నమ్మితినా వొనరఁ గర్మమనే వోఁదానఁ బడినది	॥నీదా॥
చదువుల శాస్త్రముల జాడలు నమ్మితినా పొదలిన మతముల పోరాట మది మదిమది నుండిన నామనసే నమ్మితినా అదియును నింద్రియాల కమ్ముడువోయినది	॥నీదా॥
పుత్రదారధనధాన్యభూములు నమ్మితినా పాత్రమగు రుణానుబంధము లవి చిత్రముగ నన్నుఁ గావు శ్రీవేంకటేశ నీవే పత్రపుష్పమాత్రమే నాభక్తియెల్లా నీకు	॥నీదా॥