ఆంధ్రభారతి - తాళ్లపాక అన్నమాచార్య కీర్తనలు - కలదిదివో సుఖము గలిగినను గర్భము నిలువక మానునా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 104-4
సంపుటము: 2-22

తాళ్లపాక అన్నమాచార్య

రాగము: గుజ్జరి

కలదిదివో సుఖము గలిగినను గర్భము నిలువక మానునా మలసి కామ్యకర్మములకుఁ జొచ్చిన మగుడఁ బుట్టువులు మానునా	॥పల్లవి॥
పరగ నింద్రజిత్తుఁడు హనుమంతుని బ్రహ్మాస్త్రంబునఁ గట్టి అరయ నందుపై మోకులు గట్టిన నలబ్రహ్మాస్త్రము వదలె పరిపరివిధముల నిటువలెనే హరిఁ బ్రపత్తి నమ్మిన నరుఁడు తిరుగఁ గర్మమార్గమునకుఁ జొచ్చిన దేవుఁడు దనవాత్సల్యము వదలు	॥కల॥
అలరిన సంసారభ్రమ విడిచి యడవిలోన జడభరతుఁడు తలఁపుచు నొకయిఱ్ఱిఁ బెంచినంతనే తనకును నారూపు దగిలె ములుగుచు లంపటములు దెగ విడిచి మోక్షము వెదకెడి నరుఁడు వలవని దుస్సంగతులు పెంచినను వాసన లంటక మానునా	॥కల॥
అటుగన తాఁ బట్టిన వ్రత ముండఁగ నన్యమతము చేపట్టినను నటనల నెందునుఁ బొందక జీవుఁడు నడుమనె మోరుఁడైనట్లు తటుకస శ్రీవేంకటపతి నొక్కని దాస్యము భజియించిన నరుఁడు ఘటనల నాతని కైంకర్యములకు కడుఁబాత్రుఁడు గాక మానునా	॥కల॥