ఆంధ్రభారతి - తాళ్లపాక అన్నమాచార్య కీర్తనలు - చెల్లఁబో యీజీవు లిలఁ జేసిన పాప మెంతో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 104-5
సంపుటము: 2-23

తాళ్లపాక అన్నమాచార్య

రాగము: శ్రీరాగం

చెల్లఁబో యీజీవు లిలఁ జేసిన పాప మెంతో వుల్లమున నున్న హరి వూరికే దవ్వాయ	॥పల్లవి॥
కన్నచోటనే హరి కలఁడన్నవారికి విన్నచోటనే విష్ణుడు వివేకులకు వున్నతిఁ గొలువలేక వొద్దనుండఁగాఁ గొందరు మిన్నుమీఁద వెదకేరు మితిమీఱఁ జదివి	॥చెల్లఁ॥
పట్టినదే బ్రహ్మము పరమార్థవేత్తలకు తిట్టులోనా దైవము దివ్యులకును ముట్టి చేత మొక్కలేరు ముందటనే వుండఁగాను బట్టబయలు పాకేరు బహుకర్మవిదుల	॥చెల్లఁ॥
ఊపిరిలో దేవుఁడున్నాఁడు యోగీంద్రులకు దాపున నున్నాఁడు హరిదాసులకును యేపున శ్రీవేంకటేశు నేచి శరణనలేక చాపలాన వెదకేరు సకలదేవతల	॥చెల్లఁ॥