ఆంధ్రభారతి - తాళ్లపాక అన్నమాచార్య కీర్తనలు - శరణంటి మాతని సమ్మంధమునఁ జేసి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 104-6
సంపుటము: 2-24

తాళ్లపాక అన్నమాచార్య

రాగము: లలిత

శరణంటి మాతని సమ్మంధమునఁ జేసి మరిగించి మము నేలి మన్నించవే	॥పల్లవి॥
సకలవేదములు సంకీర్తనలు చేసి ప్రకటించి నినుఁ బాడి పావనుఁడైనఁ- అకలంకుఁడు తాళ్లపాకన్నమాచార్యుల వెకలియై యేలిన శ్రీవేంకటనిలయ	॥శర॥
నారదాది సనకసనందనాదులవలె పేరుపడి నిన్నుఁ బాడి పెద్దలైనట్టి ఆరీతిఁ దాళ్లపాకన్నమాచార్యుల చేరి యేలినయట్టి శ్రీవేంకటనిలయ	॥శర॥
సామవేదసామగాన సప్తస్వరములను బాముతో నీసతి నిన్నుఁ బాడినయట్టి ఆముకొన్న తాళ్లపాకన్నమాచార్యుల వేమరు మెచ్చిన శ్రీవేంకటనిలయా	॥శర॥