ఆంధ్రభారతి - తాళ్లపాక అన్నమాచార్య కీర్తనలు - అదివో నిత్యశూ(సూ?)రులు అచ్యుత నీదాసులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 105-1
సంపుటము: 2-25

తాళ్లపాక అన్నమాచార్య

రాగము: వరాళి

అదివో నిత్యశూ(సూ?)రులు అచ్యుత నీదాసులు యెదురులేనివారు యేకాంగవీరులు	॥పల్లవి॥
రచ్చల సంసారమనే రణరంగములోన తచ్చి కామక్రోధాల తలలు గొట్టి అచ్చపు తిరుమంత్రపు టారుపుబొబ్బలతోడ యిచ్చలనే తిరిగేరు యేకాంగవీరులు	॥అది॥
మొరసి పట్టుగులనే ముచ్చుఁబౌఁజుల కురికి తెరలి నడుములకుఁ దెగవేసి పొరిఁ గర్మముఁ బొడిచి పోటుగంటులఁ దూరి యెరగొని తిరిగేరు యేకాంగవీరులు	॥అది॥
వొడ్డిన దేహములనే వూళ్లలోపల చొచ్చి చెడ్డ యహంకారమను చెఱలువట్టి అడ్డమై శ్రీవేంకటేశు నండనుండి లోకులనే- యెడ్డల జూచి నవ్వేరు యేకాంగవీరులు	॥అది॥