ఆంధ్రభారతి - తాళ్లపాక అన్నమాచార్య కీర్తనలు - నాకు నందు కేమివోదు నన్ను నీ వేమిచూచేవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 105-4
సంపుటము: 2-28

తాళ్లపాక అన్నమాచార్య

రాగము: సాళంగనాట

నాకు నందు కేమివోదు నన్ను నీ వేమిచూచేవు నీ కరుణ గలిగితే నించి చూపవయ్యా	॥పల్లవి॥
ఘోరమైన దేహపు దుర్గుణ మేమిగలిగిన ఆరసిఁ బ్రకృతిఁబోయి అడుగవయ్యా నేరని నాజన్మముతో నేరుపేమి గల్లా నన్ను ధారుణిఁ బుట్టించిన విధాత నడుగవయ్యా	॥నాకు॥
పంచేంద్రియములలోని పాప మేమి గలిగినా అంచెలఁ గామునిఁబోయి అడుగవయ్యా ముంచిన నాకర్మములో మోసమేమి గలిగినా మంచితనానఁ జేయించే మాయ నడుగవయ్యా	॥నాకు॥
అన్నిటా నావెనకటి‌ అపరాధమేమి గల్లా మన్నించి నాగురుఁ జూచి మానవయ్యా మిన్నక శ్రీవేంకటేశ మీఁదిపనులేమి గల్లా నిన్నుఁ జూచుకొని నన్ను నీవే యేలవయ్యా	॥నాకు॥