ఆంధ్రభారతి - తాళ్లపాక అన్నమాచార్య కీర్తనలు - మఱి హరిదాసుఁడై మాయలఁ జిక్కువడితే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 105-5
సంపుటము: 2-29

తాళ్లపాక అన్నమాచార్య

రాగము: దేసాక్షి

మఱి హరిదాసుఁడై మాయలఁ జిక్కువడితే వెఱపించఁబోయి తానే వెఱచినట్లవును	॥పల్లవి॥
శూరుఁడైనవాఁ డేడఁజొచ్చిన నడ్డము లేదు ఆరీతి జ్ఞానికి విధు లడ్డము లేవు కారణాన నప్పటినీఁ గలిగెనా నది మరి తేరిన నీళ్ల వండు దేరినట్లవును	॥మఱి॥
సిరులరాజై తే నేమిసేసిన నేరమి లేదు పరమాధికారియైతేఁ బాపము లేదు అరసి తనకుఁదానే అనుమానించుకొనెనా తెరువే పోఁ సుంకరిఁ దెలిపినట్లవును	॥మఱి॥
భూమెల్ల మేసినా నాఁబోతుకు బందె లేదు నేమపుఁ బ్రపన్నునికి నింద లేదు యీమేర శ్రీవేంకటేశ్వరుని శరణని సోమరి కర్మమంటితే జుంటీఁగ కతవును	॥మఱి॥