ఆంధ్రభారతి - తాళ్లపాక అన్నమాచార్య కీర్తనలు - ఇందుకే పో వెరగయ్యీ నేమందును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 106-1
సంపుటము: 2-31

తాళ్లపాక అన్నమాచార్య

రాగము: శంకరాభరణం

ఇందుకే పో వెరగయ్యీ నేమందును కుందులేని నీమహిమ కొనియాడఁగలనా	॥పల్లవి॥
అటు దేవతల కెల్ల నమృతమిచ్చిన నీవు యిటు వెన్నదొంగిలుట కేమందును పటుగతి బలీంద్రుని బంధించినట్టి నీవు సట రోలఁ గట్టువడ్డ చందాన కేమందును	॥ఇందు॥
కలిగి యాకరిరాజుఁ గరుణఁ గాచిన నీవు యిల నావులఁ గాచుట కేమందును తలఁప బ్రహ్మాదిదేవతలకుఁ జిక్కని నీవు చెలుల కాఁగిళ్లకుఁ జిక్కితి వేమందును	॥ఇందు॥
భావించ నన్నింటకంటేఁ బరమమూ ర్తివి నీవు యీవల బాలుఁడవై తి వేమందును కావించి బ్రహ్మాండాలు కడుపున నిడుకొని శ్రీవేంకటాద్రి నిలిచితి వేమందును	॥ఇందు॥