ఆంధ్రభారతి - తాళ్లపాక అన్నమాచార్య కీర్తనలు - వెన్నలు దొంగిలునాటి వెఱ్ఱివా నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 106-2
సంపుటము: 2-32

తాళ్లపాక అన్నమాచార్య

రాగము: పాడి

వెన్నలు దొంగిలునాటి వెఱ్ఱివా నీవు విన్నకన్నజాడ గాదు వెఱ్ఱివా నీవు	॥పల్లవి॥
చేరి నిన్నునొల్లనట్టిజీవుల నీవుదరాన వీరుఁడవై మోఁచే‌వు వెఱ్ఱివా నీవు నారపేరు నుడిగితే నా పేరంటాఁ దగిలేవు వీరానఁ జుట్టమవై వెఱ్ఱివా నీవు	॥వెన్న॥
బంటులైనవారికిఁ బరతంత్రుఁడవై యీ- వెంటవెంట దిరిగేవు వెఱ్ఱివా నీవు అంటే ననరాదు రెండు‌అడుకులకే చొచ్చేవు వింటే మాకు నవ్వువచ్చీ వెఱ్ఱివా నీవు	॥వెన్న॥
పావనులయి లోకమెల్లా బదుకుమంటాఁ బేళ్లు వేవేలు వెట్టుకొంటివి వెఱ్ఱివా నీవు శ్రీవేంకటేశుఁడవై చెంది వరము లిచ్చేవు వేవేగ నెవ్వరికైనా వెఱ్ఱివా నీవు	॥వెన్న॥