ఆంధ్రభారతి - తాళ్లపాక అన్నమాచార్య కీర్తనలు - కరుణించు మిఁకనైన కాఁపురమా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 106-4
సంపుటము: 2-34

తాళ్లపాక అన్నమాచార్య

రాగము: లలిత

కరుణించు మిఁకనైన కాఁపురమా కరికరిఁ బెట్టకుమీ కాఁపురమా	॥పల్లవి॥
కలలోని సుఖమైన కాఁపురమా కలుషమే చవియైన కాఁపురమా కలను బేహారపు కాఁపురమా కలఁడు మా కిదే హరి కాఁపురమా	॥కరు॥
గంట వేఁటలో తగులు కాఁపురమా కంట వత్తివెట్టి కాచే కాఁపురమా గంటుగిందుగాఁ బొరలే కాఁపురమా కంటిమి శ్రీపతికృప కాఁపురమా	॥కరు॥
కావిరి వెఱ్ఱి చేరాయి కాఁపురమా కావలసినట్లయ్యే కాఁపురమా శ్రీవేంకటేశ్వరుఁడు చేరి నిన్ను నన్ను నొక్క- కైవశము సేసెఁగదో కాఁపురమా	॥కరు॥