ఆంధ్రభారతి - తాళ్లపాక అన్నమాచార్య కీర్తనలు - వేసరకు వీఁడేల యనకుము విడువ నిన్నిఁక శరణు చొచ్చితి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 106-5
సంపుటము: 2-35

తాళ్లపాక అన్నమాచార్య

రాగము: పాడి

వేసరకు వీఁడేల యనకుము విడువ నిన్నిఁక శరణు చొచ్చితి నీ సరెవ్వరు లేరు వెదకిన నిండుబండికిఁ జేటవేఁ గా	॥పల్లవి॥
మీరు నాకుఁ గలరు నేనేమి సేసినఁ గాతురనియెడి- ధీరతను జము సరకు గొనకే తివిరిఁ సేసితిఁ బాపము వోరసేయుచు నెంతలేదని వూరకే మీరుంటిరేనియు వారికినిఁ గొరగాను నే నెవ్వరిని నెఱఁగను మిమ్మేకాని	॥వేస॥
మిమ్ముఁ గొలిచిన గర్వమున నేమీఁ జేయక కాలమందే నమ్మి కర్మములెల్ల మానితి నాకు నాకే వేసరి దొమ్మి కోపక మీకు నాకును దూరమనుచుఁ బరాకుచేసిన యిమ్ములను నన్నవియు రోసును యేల నాకవి నీవేకాక	॥వేస॥
నీకు మొక్కిన మందెమేళము నే నొక కొండ సేసుక లోకముల దేవతలకెల్లను లోను వెలిగానైతి యీకడను శ్రీవేంకటేశుఁడ యిప్పుడిటు ననుఁ గరుణఁజూచితి చేకొనుచు వారె మెత్తురు చెలఁగి నీకింకరుఁడననుచు	॥వేస॥