ఆంధ్రభారతి - తాళ్లపాక అన్నమాచార్య కీర్తనలు - దేవ నీదయ యెంతునో దివ్యసులభ మెంతునో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 107-2
సంపుటము: 2-38

తాళ్లపాక అన్నమాచార్య

రాగము: దేసాక్షి

దేవ నీదయ యెంతునో దివ్యసులభ మెంతునో కావించి గంటగటుక(???) కాచుకుండే విదివో	॥పల్లవి॥
వెదక నావసమా వేగుదాఁకా నిన్ను నేను కదిసి నీమూరితి కాన వసమా యెదుట శంఖుచక్రాల యెట్టిదైవమ నేనని పొదుగుచు నీకు నీవే పొడచూపేవు గాక	॥దేవ॥
పొగడ నావసమా పురుణించి నీగుణాలు తగుల నావసమా నీతలఁపెఱిగి నిగడి వేదశాస్త్రాల నిన్ను నీవే చెప్పుకొని పగటు మాయజ్ఞానము పాపేవింతే కాక	॥దేవ॥
కొలువ నావసమా గుఱుతెఱిఁగి నీవెంట చెలఁగి నాచేతులఁ బూజించ వసమా నిలిచి శ్రీవేంకటేశ నీవే నాయదలో నుండి మలసి పెరరేఁపుచు మన్నించేవు గాక	॥దేవ॥