ఆంధ్రభారతి - తాళ్లపాక అన్నమాచార్య కీర్తనలు - నన్ను నింతగా గడించి నాయమా దిగవిడువ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 107-3
సంపుటము: 2-39

తాళ్లపాక అన్నమాచార్య

రాగము: కన్నడగౌళ

నన్ను నింతగా గడించి నాయమా దిగవిడువ అన్నిటా రక్షించక పో దంతర్యామి	॥పల్లవి॥
సొమ్మువో వేసినవాఁడు చుట్టిచుట్టి వీథులెల్లా కమ్ముక వెదకీనట కన్నదాఁకాను నమ్మిన అజ్ఞానములో నన్నుఁ బడవేసుకొని అమ్మరో వూరకుందురా అంతర్యామి	॥నన్ను॥
వోడ బేరమాడేవాఁడు వొకదరి చేరిచి కూడిన యర్థము గాచుకొనీనట యీడనే ప్రపంచములో నిట్టె నన్ను దరిచేర్చి వోడక కాచుకోరాదా వో యంతర్యామి	॥నన్ను॥
చేరి వుప్పమ్మేవాఁడు చిట్లు వేఁ గనఁడట వూరకే శ్రీవేంకటేశ వోపికతోడ ఆరయ నన్నుఁ బుట్టించినట్టివాఁడవు నాభార- మేరీతినైన మోవు మిఁక నంతర్యామి	॥నన్ను॥