ఆంధ్రభారతి - తాళ్లపాక అన్నమాచార్య కీర్తనలు - హరివారమైతిమి మమ్మవుఁ గాదనఁగరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 107-4
సంపుటము: 2-40

తాళ్లపాక అన్నమాచార్య

రాగము: భూపాళం

హరివారమైతిమి మమ్మవుఁ గాదనఁగరాదు తరముగా దిఁకను మాతప్పులు లోఁ గొనరో	॥పల్లవి॥
వెన్నడించి సూడువట్టే విష్ణుమాయ నీకు నేము యిన్నిటాఁ బంతమిచ్చేము యింకఁ గావరో నన్నల వెట్టిగొనేటి సంసారబంధము నీకు మున్నె కిందుపడితిమి ముంచి దయఁజూడవో	॥హరి॥
ఆడించేటి కామక్రోధాది జూజరులాల వోడితిమి మీకుఁ దొల్లె వొరయకురో వీడని కర్మము నీకు వెఱచి పూరి గఱచే- మీడనే ధర్మదార మా కిఁకనైనాఁ బట్టవో	॥హరి॥
దక్కఁగొన్న మాలోని తనుభోగములాల మొక్కితిమి మాకుఁ గొంత మొగమోడరో యెక్కువ శ్రీవేంకటేశు డేలే మాజన్మములాల గక్కన వేఁడుకొంటిమి కపటాలు మానరో	॥హరి॥