ఆంధ్రభారతి - తాళ్లపాక అన్నమాచార్య కీర్తనలు - ఎవ్వరిభాగ్యం బెట్టున్నదో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 108-1
సంపుటము: 2-43

తాళ్లపాక అన్నమాచార్య

రాగము: లలిత

ఎవ్వరిభాగ్యం బెట్టున్నదో దవ్వు చేరువకు తానే గురుతు	॥పల్లవి॥
పరమమంగళము భగవన్నామము సురులకు నరులకు శుభకరము యిరవుగ నెఱిఁగిన యెదుటనె వున్నది వరుసల మఱచినవారికి మాయ	॥ఎవ్వ॥
వేదాంతసారము విష్ణుభక్తి యిది ఆదిమునుల మత మయినది సాదించువారికి సర్వసాధనము కాదని తొలఁగిన గడుశూన్యంబు	॥ఎవ్వ॥
చేతినిధానము శ్రీవేంకటపతి యేతలఁ జూచిన నిందరికి నీతియు నిదియే నిజసేవకులకు పాతకులకు నది భవసాగరము	॥ఎవ్వ॥