ఆంధ్రభారతి - తాళ్లపాక అన్నమాచార్య కీర్తనలు - హరిదాసులతోడ నల్పులు సరెనరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 108-2
సంపుటము: 2-44

తాళ్లపాక అన్నమాచార్య

రాగము: ధన్నాసి

హరిదాసులతోడ నల్పులు సరెనరాదు గురుఁడు శిష్యుడుననే గుఱి దప్పుఁగానా	॥పల్లవి॥
కోరి ముత్యపుఁజిప్పలఁ గురిసిన వానయు సారెఁ బెంకులలో వాన సరియౌనా శ్రీరమణుఁ డిన్నిటానుఁ జేరియుంటేనుండెఁ గాక సారెకుఁ బాత్రాపాత్రసంగతింతా లేదా	॥హరి॥
మలయాద్రి మాఁకులును మహిమీఁది మాఁకులును చలమున నెంచిచూడ సరియౌనా అలరి దేవుఁడు అంతర్యామియైతేనాయఁ గాక తెలియఁగ క్షేత్రవాసి దిక్కులందు లేదా	॥హరి॥
అమరుల జన్మములు నసురల జన్మములు జమళిఁ బుట్టినంతలో సరియౌనా అమరి శ్రీవేంకటేశుఁ డాతుమైతేనాయఁ గాక తమితో నధికారిభేదములు లేవా	॥హరి॥