ఆంధ్రభారతి - తాళ్లపాక అన్నమాచార్య కీర్తనలు - నే ననఁగా నెంతవాఁడ నెయ్యపుజీవులలోన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 108-3
సంపుటము: 2-45

తాళ్లపాక అన్నమాచార్య

రాగము: దేసాళం

నే ననఁగా నెంతవాఁడ నెయ్యపుజీవులలోన యీ నెపాన రక్షించీ నీశ్వరుఁడే కాక	॥పల్లవి॥
యెవ్వరు బుద్ధిచెప్పిరి యిలపైఁ జీమలకెల్లా నెవ్వగఁ బుట్టల గొల్చు నించుకొమ్మని అవ్వల సంసారభ్రాంతి అనాదినుండియు లోలోఁ దవ్వించి తలకెత్తే యంతర్యామేకాక	॥నేన॥
చెట్టుల కెవ్వరు బుద్ధిచేప్పేరు తతికాలానఁ బుట్టి కాచి పూచి నిండాఁ బొదలుమని గుట్టుతో జైతన్యమై గుణములన్నిటికిని తిట్టపెట్టి రచించిన దేవుఁ డింతేకాక	॥నేన॥
బుద్దు లెవ్వరు చెప్పిరి పుట్టినట్టి మెకాలకు తిద్ది చన్నుదాగి పూరి దినుమని పొద్దువొద్దులోన నుండి భోగములు మఱపిన- నిద్దపు శ్రీవేంకటాద్రినిలయుండే కాక	॥నేన॥