ఆంధ్రభారతి - తాళ్లపాక అన్నమాచార్య కీర్తనలు - నీయంతటివా రెవ్వరు నీకు నెదురేది యెందు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 108-5
సంపుటము: 2-47

తాళ్లపాక అన్నమాచార్య

రాగము: సాళంగనాట

నీయంతటివా రెవ్వరు నీకు నెదురేది యెందు చాయల నీసుద్ది విని శరణంటి నేను	॥పల్లవి॥
కావలనంటేఁ దొల్లి కంభము చించుకవెళ్లి కైవశమై ప్రహ్లాదుఁ గావవా నీవు తేవలనంటే బ్రహ్మదేవునికి వేదములు సోవల సముద్రమయిన చొచ్చి తేవా నీవు	॥నీయం॥
పట్టియెత్తవలెనంటేఁ బాతాళానఁ బడ్డ కొండ తట్టియెత్తి పాలవెల్లి దచ్చవా నీవు మట్టుపెట్టవలెనంటే మరి భూమి చాపగాఁగ చుట్టుకపోతేఁ దెచ్చి సొంపుగ నిలుపవా	॥నీయం॥
పక్షపాతమయ్యేనంటేఁ బాండవుల గెలుపించి యీక్షితి యేలించి చనవియ్యవా నీవు రక్షించేనంటేఁ గాతరాన శ్రీవేంకటాద్రిఁ బ్ర- త్యక్షమై మావంటివారిఁ దగఁ గరుణించవా	॥నీయం॥