ఆంధ్రభారతి - తాళ్లపాక అన్నమాచార్య కీర్తనలు - అందరివలెనే వున్నాఁ డాతడాఁ వీఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 108-6
సంపుటము: 2-48

తాళ్లపాక అన్నమాచార్య

రాగము: సామంతం

అందరివలెనే వున్నాఁ డాతడాఁ వీఁడు యిందుముఖులఁ గూడినాఁ డీతఁడానాఁడు	॥పల్లవి॥
యిందరూ నేఁటేఁట జేసే యింద్రయాగపు ముద్దలు అందుకొని యారగించినాతఁడా వీఁడు చెంది మునులసతుల సతఁ దెప్పించుక మంచి- విందు లారగించినాఁడు వీఁ డానాఁడు	॥అంద॥
తొలుత బ్రహ్మ దాఁచిన దూడలకు బాలులకు అలరి మారు గడించినాతఁడా వీఁడు నిలుచుం డేడుదినాలు నెమ్మది వేలఁ గొండెత్తి యిల నావులఁ గాచినాఁ డీతఁ డానాఁడు	॥అంద॥
బాలుఁడై పూతనాదుల బలురక్కసులఁ జంపి ఆలరి యాటలాడిన యాతఁడా వీఁడు యీలీల శ్రీవేంకటాద్రి యెక్కినాఁడు తొలుతే యేలెను బ్రహ్మాదుల నీతఁ డానాఁడు	॥అంద॥