ఆంధ్రభారతి - తాళ్లపాక అన్నమాచార్య కీర్తనలు - ఏవీ నుపాయాలుగావు యెక్కువ భక్తేకాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 109-1
సంపుటము: 2-49

తాళ్లపాక అన్నమాచార్య

రాగము: దేసాక్షి

ఏవీ నుపాయాలుగావు యెక్కువ భక్తేకాని దావతిఁ బడక యిది దక్కితే సులభము	॥పల్లవి॥
ముంటిపై సుఖమందుట ముక్కున నూరుపువట్టి దంటవాయువు గెలువఁ దలచేదెల్లా వెంటిక వట్టుకపోయి వెఁస గొండ వాఁకుట వెంటఁ గర్మమార్గమున విష్ణుని సాధించుట	॥ఏవీ॥
యేనుగుతోఁ బెనఁగుట యిల నిరాహారియై కానని పంచేంద్రియాలఁ గట్టఁబోవుట నానించినుపగుగిళ్ళు నములుట బలిమిని ధ్యానించి మనఁసుఁబట్టి దైవము సాధించుట	॥ఏవీ॥
దప్పికి నెండమావులు దాగ దగ్గరఁబోవుట తప్పుఁ జదువులలోఁ దత్త్వము నెంచుట పిప్పి చవి యడుగుట పెక్కు దైవాలఁ గొలిచి కప్పిన శ్రీవేంకటేశుకరుణ సాధించుట	॥ఏవీ॥