ఆంధ్రభారతి - తాళ్లపాక అన్నమాచార్య కీర్తనలు - ఏమి సేసే మిఁక నేము యెంతని దాఁచుకొందుము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 109-3
సంపుటము: 2-51

తాళ్లపాక అన్నమాచార్య

రాగము: మలహరి

ఏమి సేసే మిఁక నేము యెంతని దాఁచుకొందుము నీ మహిమ యింతంతన నేరము నేమయ్యా	॥పల్లవి॥
అంది నిన్ను నొకమాటు హరి యని నుడిగితే పొందిన పాతకమెల్లాఁ బొలిసిపోయ మందలించి మఱి యొకమాటు నుడిగిన ఫల- మందు నీ కప్పగించితి మదిగోవయ్యా	॥ఏమి॥
యిట్టె మీకు రెండుచెతులెత్తొకమాటు మొక్కితే గట్టిగా నిహపరాలు గలిగె మాకు దట్టముగ సాష్టాంగదండము వెట్టిన ఫల- మట్టె నీమీఁద నున్నది అదిగోవయ్యా	॥ఏమి॥
సరుగ నీకొకమాటు శరణన్నమాత్రమున సిరులఁ బుణ్యుఁడనైతి శ్రీవేంకటేశ ధరలోన నే నీకు దాసుఁడనైన ఫల- మరయ నీమీఁద నున్న దదిగోవయ్యా	॥ఏమి॥