ఆంధ్రభారతి - తాళ్లపాక అన్నమాచార్య కీర్తనలు - ఎక్కడిమతము లింక నేమి సోదించేము నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 109-4
సంపుటము: 2-52

తాళ్లపాక అన్నమాచార్య

రాగము: సాళంగం

ఎక్కడిమతము లింక నేమి సోదించేము నేము తక్కక శ్రీపతి నీవే దయఁజూతు గాక	॥పల్లవి॥
కాదనఁగ నెట్టువచ్చు కన్నులెదిటి లోకము లేదనఁగ నెట్టువచ్చు లీలకర్మము నీదాసుఁడ ననుచు నీమరఁగు చొచ్చుకొంటే యేదెసనైనాఁ బెట్టి యీడేరింతు గాక	॥ఎక్క॥
తోయ నెట్టువచ్చు మించి తొలఁకేటి నీమాయ పాయ నెట్టువచ్చుఁ యీభవబంధాలు చేయార నిన్నుఁ బూజించి చేరి నీముద్రలు మోఁచి యీయెడ నుండఁగా నీవే యీడేరింతు గాక	॥ఎక్క॥
తెలియఁగ నెట్టువచ్చు ద్రిష్టమైన నీమహిమ తలచఁగ నెట్టువచ్చు తగు నీరూపు నెలవై శ్రీవేంకటేశ నీవు గలవనుండఁగా యిలఁమీద మమ్మునీవే యీడేరింతు గాక	॥ఎక్క॥