ఆంధ్రభారతి - తాళ్లపాక అన్నమాచార్య కీర్తనలు - లేదు భయము మఱి కాదు భవము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 110-1
సంపుటము: 2-55

తాళ్లపాక అన్నమాచార్య

రాగము: శంకరాభరణం

లేదు భయము మఱి కాదు భవము ఆదియు నంత్యముఁ దెలి‌సిన హరియాజ్ఞే కాన	॥పల్లవి॥
తలఁపులు గడుగక వొడ లటు తాఁ గడిగిన నేమి వెలుపలి కాంక్షలు వుడుగక విధులుడిగిన నేమి అలరుచు శ్రీహరిదాస్యము ఆతుమఁ గలిగిన యాతఁడు చెలఁగుచు పనులైనా సేసిన మరి యేమి	॥లేదు॥
పొంచినకోపము విడువక భోగము విడిచిననేమి పంచేంద్రియములు ముదియక పై ముదిసిన నేమి నించిన దైవము నమ్మిన నిర్భరుఁడయిన యాతఁడు యెంచుక యేవర్గంబుల నెట్టుండిన నేమి	॥లేదు॥
వేగమె లోపల గడువక వెలి గడిగిన నేమి యోగము దెలియక పలుచదువులు దెలిసిన నేమి యీగతి శ్రీవేంకటపతి నెఱిఁగి సుఖించేటి యాతఁడు జాగుల ప్రపంచమందును సతమైనా నేమి	॥లేదు॥