ఆంధ్రభారతి - తాళ్లపాక అన్నమాచార్య కీర్తనలు - హరిభక్తివోడ యెక్కినట్టివారలే కాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 110-2
సంపుటము: 2-56

తాళ్లపాక అన్నమాచార్య

రాగము: గుండక్రియ

హరిభక్తివోడ యెక్కినట్టివారలే కాని తరఁగు మొరఁగులను దాఁటలే రెవ్వరును	॥పల్లవి॥
నిండుఁ జింతాజలధికి నీళ్లు దనచిత్తమే దండి పుణ్యపాపాలే దరులు కొండలవంటి కరళ్లు కోరికె లెందు చూచినా తండుముండుపడేవారే దాఁటలే రెవ్వరును	॥హరి॥
ఆపదలు సంపదలు అందులోని మకరాలు కాఁపురపు లంపటాలే కైయొత్తులు చాపలపు గుణములే సరిఁజొచ్చే యేరులు దాపుదండ చేకొని దాఁటలే రెవ్వరును	॥హరి॥
నెలవై వుబ్బుసగ్గులే నిచ్చలుఁబోటునుఁ బాటు బలువైన యాశే బడబాగ్ని యెలమి శ్రీవేంకటేశుహితులకే కాల్నడ తలఁచి యితరులెల్ల దాఁటలే రెవ్వరును	॥హరి॥