ఆంధ్రభారతి - తాళ్లపాక అన్నమాచార్య కీర్తనలు - వివేకించ వేళ లేదు విజ్ఞానమార్గమందు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 110-4
సంపుటము: 2-58

తాళ్లపాక అన్నమాచార్య

రాగము: శ్రీరాగం

వివేకించ వేళ లేదు విజ్ఞానమార్గమందు భవసంపదల పెద్దపౌఁజు చూచీ జీవుఁడు	॥పల్లవి॥
చిత్తమనియెడి మహాసింహాసనం బెక్కి హత్తి బహుపరాకాయ నదె జీవుఁడు గుత్తపు దేహమనేటి కొలువుకూటములోన జొత్తుఁ బ్రకృతినాట్యము చూచీని జీవుఁడు	॥వివే॥
పంచేంద్రియములనే బలుతేజీలపై నెక్కి అంచల వయ్యాళి దోలీనదె జీవుఁడు ముంచిన కర్మములనే ముద్రల పెట్టెలు దెచ్చి సంచముగా లెక్కవెట్టి సరిదాఁచీ జీవుఁడు	॥వివే॥
యిచ్చఁ గామక్రోధాలనే హితమంత్రులునుఁ దారు తచ్చి తలపోసుకొనీఁ దగ జీవుఁడు అచ్చపు శ్రీవేంకటేశుఁ డంతరాత్మయై యుండఁగా పచ్చిగా నాతనిఁ జూచి భ్రమసీని జీవుఁడు	॥వివే॥