ఆంధ్రభారతి - తాళ్లపాక అన్నమాచార్య కీర్తనలు - చెల్లఁబో తియ్యనినోరఁ జేఁదేఁటికి యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 110-5
సంపుటము: 2-59

తాళ్లపాక అన్నమాచార్య

రాగము: సామంతం

చెల్లఁబో తియ్యనినోరఁ జేఁదేఁటికి యీ- పల్లదపుఁ గోరికలపాలు సేయవలెనా	॥పల్లవి॥
ఆసలకు నాదేహ మమ్ముకొంటి వింటింట దాసునిఁగా నాపాలిదైవమా నీవు పోసరించి భూమిలోనఁ బుట్టించి రక్షించి యీసులేక భంగపెట్టు టిది గొంత వలెనా	॥చెల్లఁ॥
పామరపు టింద్రియాలబారిఁ దోసితివి నన్ను దామెనకట్టుగాఁ గట్టి తత్త్వమా నీవు దోమటి నామతిలోనఁ దోడునీడవై యుండి పామేటి సుఖములనే భ్రమయించవలెనా	॥చెల్లఁ॥
గక్కన నింతట నన్నుఁ గరుణించితివి నేఁడు మొక్కితి శ్రీవేంకటాద్రిమూలమా నీకు దిక్కుదెసవై నాకు దేవుఁడవై యేలికవు చొక్కి నామనసింత సోదించవలెనా	॥చెల్లఁ॥