ఆంధ్రభారతి - తాళ్లపాక అన్నమాచార్య కీర్తనలు - చూపఁ జెప్పగల భక్త సుజనుఁడవు మాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 110-6
సంపుటము: 2-60

తాళ్లపాక అన్నమాచార్య

రాగము: భూపాళం

చూపఁ జెప్పగల భక్త సుజనుఁడవు మాకు దాపైన హరి యిట్టె తప్పెఁ దారెననక	॥పల్లవి॥
కోరి పాండవులయింటఁ గూర లారగించినట్టు సారవు శబరివిందు చవిగొన్నట్టు వూరకే మాయింట నీవు వొదవినపాటి నీ- వారగించవయ్య చవు లౌఁగాములెంచక	॥చూపఁ॥
తొల్లియు రేపల్లె గొల్లదోమటి దొడికినట్టు తల్లి అనసూయ పాలఁ దనిసినట్టు చిల్లరైన మాయింటఁ జేసిన పా టారగించు చల్లతోడి బోనమైన చాలుఁ జాలదనక	॥చూపఁ॥
అంకెల శ్రీవేంకటాద్రి నారగించినయట్టు కొంకులేక సిరితోడఁ గోనేటిరాయ లెంకనయిన నాయింటిలేశమైన నారగించు అంకించి నీనాలోని అంతరము లెంచకా	॥చూపఁ॥