ఆంధ్రభారతి - తాళ్లపాక అన్నమాచార్య కీర్తనలు - చిక్కువడ్డ పనికిఁ జేసినదే చేఁత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 111-3
సంపుటము: 2-63

తాళ్లపాక అన్నమాచార్య

రాగము: శుద్ధవసంతం

చిక్కువడ్డ పనికిఁ జేసినదే చేఁత లెక్కలేని యప్పునకు లేమే కలిమి	॥పల్లవి॥
తగవులేమి కెదిరిధనమే తనసొమ్ము జగడగానికి విరసమే కూడు తెగుదెంపులేమికి దీనగతే దిక్కు బిగువుఁగూటికి వట్టిబీరమే తగవు	॥చిక్కు॥
పతిలేనిభూమికి బలవంతుఁడే రాజు గతిలేనికూటికిఁ గన్నదే కూడు సతిలేనివానికి జరగినదే యాలు కుతదీరుటకు రచ్చకొట్టమే యిల్లు	॥చిక్కు॥
యెదురులేమికిఁ దమకేదైనఁ దలఁ పిది మదమత్తునకుఁ దనమఱుపే మాట తుదిపదమునకుఁ జేదొడైన(???) విభవము పదిలపు శ్రీవేంకటపతియే యెఱుక	॥చిక్కు॥