ఆంధ్రభారతి - తాళ్లపాక అన్నమాచార్య కీర్తనలు - ఈడనుండె నిందాఁకా నింటి ముంగిట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 111-5
సంపుటము: 2-65

తాళ్లపాక అన్నమాచార్య

రాగము: లలిత

ఈడనుండె నిందాఁకా నింటి ముంగిట ఆడ నెందుఁ బోఁడుగద అప్పుడే యీకృష్ణుఁడు	॥పల్లవి॥
యేడ పూతకిఁ జంపె నింతపిన్నవాఁడంటా ఆడుకొనేరదే వీథి నందరుఁ గూడి వేడుకతో మనగోవిందుఁడు గాఁడుగదా చూడరమ్మ వీఁడు గడు చుల్లరీఁడు పాపఁడు	॥ఈడ॥
మరలి యప్పటివాఁడె మద్దులు విఱిచెనంటా పరువులు వెట్టేరు పడఁతులెల్లా కరికరించఁగ రోలఁ గట్టితే నప్పుడు మా- హరి గాఁడుగదా ఆడనున్న బిడ్డఁడు	॥ఈడ॥
వింతగాఁగ నొకబండ విఱిచె నప్పటినంటా రంతు సేసేరదివో రచ్చలు నిండి అంత యీశ్రీవేంకటేశుఁడై న మనకృష్ణుఁడట యింతేకాక యెవ్వరున్నా రిటువంటి పాపఁడు	॥ఈడ॥