ఆంధ్రభారతి - తాళ్లపాక అన్నమాచార్య కీర్తనలు - అన్నిటా శ్రీహరిదాసుఁడగు వానికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 112-2
సంపుటము: 2-68

తాళ్లపాక అన్నమాచార్య

రాగము: రామక్రియ

అన్నిటా శ్రీహరిదాసుఁడగు వానికి కొన్ని దైవములఁ గొలువఁగఁ దగునా	॥పల్లవి॥
విహితకర్మముసేసి వెదకేటి హరి నిట్టె సహజమై కొలచేటి సరసునికి గహనపుఁ గర్మాలు కడమలైన నేమి మహిఁ గనక్రాదికి మరి పైఁడి వలెనా	॥అన్ని॥
పలుదానములకెల్ల బలమైన హరి నిట్టె బలుపుగ జేకొన్న భక్తునికిని నెలకొని యాతఁ డన్నియునుఁ జేసినవాఁడె తెలిసి సూర్యునిఁ జూడ దీపాలు వలెనా	॥అన్ని॥
వేదవేద్యుఁడు శ్రీవేంకటపతినామ- మాదిగాఁ బఠియించే యధికునికి ఆదైన చదువులు అఱచేతి వతనికి మేదినిఁ దిరుగాడ మెట్లు వలెనా	॥అన్ని॥