ఆంధ్రభారతి - తాళ్లపాక అన్నమాచార్య కీర్తనలు - ధ్రువవరదా సంస్తుతవరదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 113-1
సంపుటము: 2-73

తాళ్లపాక అన్నమాచార్య

రాగము: మాళవి

ధ్రువవరదా సంస్తుతవరదా నవమైన యార్తుని నన్నుఁ గావవే	॥పల్లవి॥
కరిరాజవరదా కాకాసురవరదా శరణాగతవిభీషణ వరదా సిరుల వేదాలు నిన్నుఁ జెప్పగా వినీని మరిగి మఱఁగుచొచ్చే మమ్ముఁ గావవే	॥ధ్రువ॥
అక్రూరవరదా అంబరీషవరదా శక్రాది దివిజనిచయవరదా విక్రమించి యిన్నిటా నీవే ఘనమని నీకు చక్రధర శరణంటి సరిఁగావవే	॥ధ్రువ॥
ద్రౌపదీవరదా తగ నర్జునవరదా శ్రీపతీ ప్రహ్లాదశిశువరదా యేపున శ్రీవేంకటాద్రి నిటు నేను నాగురుఁడు చూపఁగా గొలిచే నచ్చుగఁ గావవే	॥ధ్రువ॥