ఆంధ్రభారతి - తాళ్లపాక అన్నమాచార్య కీర్తనలు - నమ్మిన దొకటే నాకు నీశరణము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 113-2
సంపుటము: 2-74

తాళ్లపాక అన్నమాచార్య

రాగము: గుండక్రియ

నమ్మిన దొకటే నాకు నీశరణము యెమ్మెల సంసార మింతే యిందేమిగలదు	॥పల్లవి॥
యేఁటికర్మము నా కేఁటిధర్మము యేఁటిదో నేఁ జేయఁగా నీ కేమి గూడెను నాఁటకపు తొంటివారు నడిచిన మార్గమని యీఁటుకుఁ జేఁసేఁగాక యిందేమి గలదు	॥నమ్మి॥
యేడతపము నా కేడజపము నే వాడికఁ జేయఁగ నీకు వచ్చినదేమి బెడిదపుఁ బెద్దలెల్లాఁ బెట్టిన తిట్టములంటా యీడుకుఁ జేసెఁగాక యిందేమి గలదు	॥నమ్మి॥
యెక్కడిపుణ్యము నా కెక్కడిభోగములు యిక్కువ నన్నిట్లఁ జేసి యేమిగంటివి నిక్కెపు శ్రీవేంకటేశ నిన్నుఁ గనుటగాక యెక్కడి కెక్కడిమాయ లిందేమి గలదు	॥నమ్మి॥